Выборы

Карл Більд: прымяненне празмернага насілля непрымальнае

Міністр замежных спраў Швецыі Карл Більд у ходзе прэс-канферэнцыі 20 снежня ў панядзелак выказаў занепакоенасць трывожным развіццём падзей у Беларусі.

“Было выкарыстана празмернае насілле, што абсалютна непрымальна, - заявіў Карл Більд. - З боку Еўрапейскага Саюза мы патрабуем, каб усе, хто апынуўся за кратамі, былі тэрмінова выпушчаны на волю”.

Ён таксама спаслаўся на заяву прадстаўніка ЕС па замежных справах Кэтрын Эштан і справаздачы АБСЕ, у якіх сцвярджаецца, што выбары не адпавядалі дэмакратычным стандартам.

«Насілле і фальсіфікацыя пры падліку галасоў указваюць на змены ў палітычным курсе ў Беларусі і зніжэнне зацікаўленасці ў добрых адносінах з Еўрасаюзам,” – сказаў Більд.

А ў інтэрв’ю Шведскаму радыё міністр замежных спраў гэтай краіны адзначыў: “Мы прынялі пад увагу справаздачу міжнародных назіральнікаў, якая сведчыць пра тое, што вынікі выбараў не могуць быць прызнаныя дэмакратычна легітымнымі”.