Мнения других авторов
- 04.07 // 14:25 Ярослав Романчук. КРИЗИС. Счастье — новое оружие против свободы // Статья
- 03.07 // 11:47 Алесь Михалевич. ПАМЯТЬ. Умер премьер-министр из Ружан и Волковыска // Статья
- 30.06 // 13:52 Николай Чергинец. БЕЛЛИТ. Новые вызовы // Статья
- 29.06 // 13:56 Алег Трусаў. МОВА. Падмурак нашай незалежнасці // Статья
- 28.06 // 15:36 Виталий Рымашевский. ПОЛИТИКА. Как из священников делают оппозиционеров // Статья
Другие Мнения этого автора
- 05.06 // 12:30 Рыгор Кастусёў. ЛІНІЯ ФРОНТУ. Абяцанкі-цацанкі, а дурням – радасць // Статья
- 14.05 // 13:06 Рыгор Кастусёў. ЛІНІЯ ФРОНТУ. Чаму танны газ для Беларусі дарагі для беларусаў // Статья
- 13.04 // 13:42 Рыгор Кастусёў. ЛІНІЯ ФРОНТУ. Ламаць — не будаваць, душа не баліць // Статья
- 24.03 // 14:01 Рыгор Кастусёў. ЛІНІЯ ФРОНТУ. Прагінанні беларускіх чыноўнікаў перад будучым уладаром // Статья
- 12.01 // 11:55 Рыгор Кастусёў. ЛІНІЯ ФРОНТУ. Дзялёжка «беларускага пірага» // Статья
Мнение
Рыгор Кастусёў. ЛІНІЯ ФРОНТУ. Што напалохала Лукашэнку?
![]() |
Рыгор Кастусёў. Намеснік старшыні Партыі БНФ, экс-кандыдат на пасаду прэзідэнта Рэспублікі Беларусь на выбарах-2010. Нарадзіўся ў 1957 годзе ў вёсцы Цяхцін Бялыніцкага раёна. У 1982 годзе скончыў Беларускую сельскагаспадарчую акадэмію па спэцыяльнасці інжынер-механік. Служыў у Савецкай арміі, працаваў галоўным інжынерам, дырэктарам саўгаса, дырэктарам Шклоўскага раённага аб'яднання жыллёва-камунальнай гаспадаркі. У 2001 годзе вымушаны быў сысці з пасады пад ціскам уладаў з-за працы ў камандах кандыдатаў ад дэмакратычных сілаў. Быў дырэктарам сумеснага беларуска-ўкраінскага прадпрыемства. Тройчы абіраўся дэпутатам мясцовых саветаў. Аўтар праграмы развіцця і рэфармавання жыллёва-камунальнай гаспадаркі Рэспублікі Беларусь на 2010-2015 гады, прапанаванай Партыяй БНФ. |
Для тых, хто праследжвае выступленні Лукашэнкі, добра заўважна, што рыторыка яго выказванняў на дадзеную тэму можа рэзка змяняцца на працягу кароткага тэрміну.
Чаму ж ён так тэрмінова змяніў вектар свіх выказванняў у адрозненні ад сказанага крыху раней?
Бо, менавіта, за тыдзень да таго на сустрэчы з прэзідэнтам Башкартастана Рустэмам Хамітавым у Мінску 14 чэрвеня 2012 г., ён зусім па іншаму рэагаваў на выказванні прэм’ер-міністра Расіі Дз.Мядзьведзева і пасла Расійскай Федэрацыі ў Беларусі А.Сурыкава аб неабходнасці тэрміновага ўвядзення расійскага рубля ў якасці адзінай валюты ў маштабе Еўразійскага саюза і правядзення прыватызацыі ў Беларусі.
“Гэта наша прыватызацыя, гэта мы будзем вырашаць, што нам прыватызаваць і калі... па якім кошце і на якіх умовах”, — гучыць у яго заяве.
Наконт далейшай інтэграцыі Беларусі з Расіяй ён выказваўся ў яшчэ больш катэгарычнай форме; што яна будзе адбывацца толькі ў тым выпадку, “...калі мы не будзем наступаць адзін аднаму на горла і патрабаваць пытанняў, якія яшчэ не стаяць у парадку дня”. Адназначна, гэта прагучала як адказ на пытанне па тэме аб увядзенні адзінай валюты — расійскага рубля на тэрыторыі нашай краіны.
Што ж так напалохала А.Лукашэнку, што ён вымушаны быў канцэптуальна змяніць сутнасць сваіх выказванняў на тэму інтэграцыі з Расіяй?
А адказ вельмі просты...
Гэта прывіды новай “нафтавай вайны” паміж Расіяй і Беларуссю, падобнай на ранейшыя — “газавую”, “малочную”, але па маштабах найбольш адчувальную для эканомікі нашай краіны. Прывіды “нафтавай вайны” аказаліся больш страшнымі, чым жахі частковай страты ўлады пры аб’яднанні ў “амаль адзіную дзяржаву”, якое прадугледжвае і адзіную валюту, і прыватызацыю па правілах Расійскай Федэрацыі...
За студзень-красавік 2012 года экспарт некаторых беларускіх нафтапрадуктаў — растваральнікаў і разбаўляльнікаў, у параўнанні з аналагічным перыядам мінулага году, павялічыўся ў 7,3 разы і склаў 1705,4 млн. долараў. Экспарт змазачных алеяў, вырабленых таксама з расійскай нафты, павялічыўся ажно ў 43 разы ў параўнанні з аналагічным перыядам 2010 года і склаў 590,9 млн. долараў.
Падобны беларускі бізнэс вызваў шэраг пытанняў сярод правячай эліты Расійскай Федэрацыі. Бо расійскі бюджэт губляе значныя сумы з-за непраплочаных вывазных мытаў на беларускія нафтапрадукты.
Раскрыццё афёры ў сферы гандлю нафтапрадуктамі нясе пагрозу існаванню беларускага “разбаўляльна-растваральнага” бізнэса і страту мільярдных прыбыткаў.
Для выхаду са склаўшайся сітуацыі, дзеля захавання прыбытковага бізнэсу, беларускаму боку нічога не застаецца, як пайсці на саступкі ў выглядзе прыватызацыі актываў беларускіх прадпрыемстваў на карысць расійскаму капіталу.
Акрамя гэтага, раскрыццё гандлёвай афёры дазваляе Крэмлю праз пагрозу закрыцця бізнэса атрымаць рэальныя рычагі ўплыву на беларускае кіраўніцтва з мэтай дасягнення таго, каб Беларусь урэшце выканала свае абавязальніцтвы перад Антыкрызісным фондам ЕўрАзЭС аб атрыманні за 2012 год выручкі ў памеры 2,5 млрд. долараў ад прыватызацыі. Бо амаль за паўгода пакуль яшчэ ні адной буйной прыватызацыйнай здзелкі ў Беларусі не праведзена.
Такім чынам, у Крамля адкрываюцца рэальныя перспектывы праз прыватызацыю прапіхнуць у Беларусь расійскі бізнэс і не дапусціць капітал з іншых краін. А гэта дазволіць яму, у сваю чаргу, ў значнай ступені ўплываць на фармаванне коштаў прыватызацыі беларускіх прадпрыемстваў.
А прыватызаваць у Беларусі ёсць што, бо “беларускі пірог” да гэтай пары яшчэ не падзелены. І дзялёжка яго плануецца не на карысць беларусаў.
Толькі, напрыклад, указам № 7 ад 5 студзеня 2012 года, практычна растаптаўшы правы беларускага народу, правы працоўных калектываў, пад выглядам “благавіднага паступка” Лукашэнка адкрыў дарогу расійскаму бізнэсу да прыватызацыі 54 паспяховых беларускіх прадпрыемстваў.
А тое, што на 2013-2014 гады для Беларусі прыпадае пік выплат па знешніх абавязальніцтвах, зноўку грае на карысць Крамля.
Беларусь апынулася перад рэальнай пагрозай, якая вядзе да поўнай страты эканамічнай а надалей і палітычнай незалежнасці ў выніку стварэння адзінай дзяржавы, аб чым выказаўся А.Лукашэнка ў час наведвання Музея сучаснай беларускай дзяржаўнасці.
Як паказаў час, кіраўніцтва беларускай дзяржавы цалкам і канчаткова засведчыла свой непрафесіяналізм, непатрыятызм, неўменне і нежаданне праводзіць самастойную эканамічную палітыку незалежнай дзяржавы ў інтарэсах яе народу.
Ідэя ўтрымання эканомікі ў выглядзе “прыслугі” беларускай палітычнай мадэлі цалкам правалілася.
У дадзенай сітуацыі здаровым нацыянальна-патрыятычным сілам Беларусі неабходна прыняць тэрміновыя меры па непрызнанню на міжнародным узроўні падобных здзелак па продажу нацыянальнай маёмасці. Незаконныя здзелкі, праведзеныя з парушэннямі беларускага заканадаўства павінны будуць падлягаць перагляду.
В настоящее время комментариев к этому материалу нет.
Вы можете стать первым, разместив свой комментарий в форме слева