ОбществоПартнёр рубрики: lastrada.by — консультации по безопасному выезду и пребыванию за границей

Каля Купалаўскага тэатра знойдзенае савяня

Каля Купалаўскага тэатра 3 лістапада было знойдзенае птушаня савы. Савяня ля ўвахода ў тэатр заўважыў і падняў артыст Сяргей Чуб. На выгляд птушка была нежывая, але ў цяпле хутка адышла і заварушыла крыламі.

Артыст адразу ж патэлефанаваў у Мінскі заапарк, дзе савяня згадзіліся забраць. У новую хату птушаня разам з С.Чубам суправаджаў на сваім аўтамабілі рэжысёр тэатра імя Янкі Купалы Аляксандр Гарцуеў. У заапарку савяня атрымаў на абед мыш.

Выратавальнікі савяняткі А.Гарцуеў і С.Чуб, а разам з імі і ўсе купалаўцы вырашылі сачыць за далейшым лёсам птушкі.

Лавінія ШАРЫПКІНА